«Saz kerwen» jobasınıñ altınşı aynalımı bastaldı (AWDÏO)

İriktew tört apta boyı jürgiziledi.


17:39, 16 säwir 2016   2211

«Şalqar» ulttıq radïosınıñ üzdik änderdi anıqtawğa arnalğan «Saz kerwen» jobası jalğaswda. Bayqawdıñ altınşı aynalımı bastaldı. Bul kezeñde tıñdarmandar nazarına 12 jaña än usınıldı. İriktew tört apta boyı jürgiziledi.

Ereje boyınşa, shalkarfm.kz saytı arqılı eñ köp tıñdalğan äwen jıldıq bayqawğa joldama aladı. Sonday-aq, üzdik äwen radïonıñ «Altın qorına» tapsırıladı.

«Dombırasız sän qayda?» - «Xanzada» tobı

 «Sağınıp jürmin» - Bïjigit Ïsmağulov

 «Körşi qızı» - «Dïeta.kz» tobı

 «Otızdan asıp baramın» - Ayqın  Tölepbergen

 «Jarqırağan jaña kün» - Qanağat Jalğasbeva

 «Ulttıq ulan» - Meyirbek Täñirbergenov

«Twğan kün» - Meñdeş pen Aqmaral

 «Tağı, tağı» -  Abay Begey

«Körşim-ay» - Maqsat Intıqbaev

 «Qarttar muñı» -  «Zaman tobı»

 «Jasa, qazağım!» -  Däwren Oqapov

«Şattığım» - Danïyar Müpteke

Ayta keteyik, osığan deyingi kezeñderde Beybit Qorğannıñ orındawındağı «Sen qwanışım», Aqbota Kerimbekovanıñ repertwarındağı «Ay, ay, janım» äni, änşi Beybitkül Nurımğojïnanıñ orındawındağı Asqar Düysenbiniñ sözine jazılğan «Jüregim» äni, Aqqw men Gülnazdıñ «Bir üyde»,  Eset Sädwaqasovtıñ orındawındağı «Sıylastıq» äni tıñdarmandar nazarına ilikti.

«Saz kerwen» - «Şalqar» ulttıq radïosınıñ 50 jıldığına arnalğan joba. Erekşeligi - ümitkerdiñ eñ soñğı şıqqan äni qatıstırıladı.

Sonday-aq, bayqawda äwesqoy änşilerdiñ de baqtarın sınawğa mümkindikteri bar ekenin esteriñizge salamız. Qosımşa aqparattı 8 (717) 2 55 33 48 nömiri arqılı bile alasızdar.

Bağdarlama äwe tolqınına är aptanıñ beysenbi künderi, sağat 21:00-de şığadı.